Бутунжаҳон корпоратив спорт федерацияси билан ҳамкорлик алоқалари мустаҳкамланмоқда
Франция пойтахти Париж шаҳрида ўтказилган Бутунжаҳон корпоратив спорт федерацияси (World Federation for Company Sport)нинг кенгайтирилган йиғилиши дорисида ўтказилган учрашувларда Ўзбекистон жамоаларининг Бутунжаҳон корпоратив спорт ўйинларидаги иштирокини таъминлаш, халқаро корпоратив спорт тадбирларини мамлакатимизда ўтказиш ҳамда қўшма лойиҳаларни амалга ошириш масалалари муҳокама қилинди.
World Federation for Company Sport президенти Диде Бессейре билан Ўзбекистон корпоратив спорт ассоциацияси ижрочи директори Шерзод Сатторов ўртасидаги мулоқот жараёнида халқаро ҳамкорликни кенгайтириш ва миллий корпоратив спорт тизимини юртимизда янги босқичга олиб чиқиш ҳақида сўз борди.
Шунингдек, мамлакатимизда корпоратив спорт бўйича саъй-ҳаракатларни изчил давом эттириш асносида Осиё корпоратив спорт конфедерацияси фаолиятини йўлга қўйиш, минтақадаги миллий федерациялар ҳамкорлигини мустаҳкамлаш ва ушбу йўналишдаги ташкилий ишларни жадаллаштириш таклифлари илгари сурилди.
Т.Рўзиев,
ЎзА
