Бугун Европада 20 йил кутилган тўлиқ қуёш тутилиши кузатилади (+видео)

Бугун, 12 август куни Европа осмонида миллионлаб инсонлар интиқлик билан кутган ноёб астрономик ҳодисалардан бири — тўлиқ Қуёш тутилиши содир бўлади.Уни Гренландия, Исландия, Испаниянинг шимолий ҳудудлари ҳамда Португалиянинг шимоли-шарқий қисмида тўлиқ кузатиш мумкин, бошқа айрим Европа мамлакатларида эса қисман тутилиш намоён бўлади. Мутахассисларнинг таъкидлашича, бу Европа аҳолиси учун сўнгги йигирма йил ичидаги энг муҳим осмон воқеаларидан бири ҳисобланади.

Европа космик агентлиги (ЭСА)нинг маълум қилишича, Испания шимоли Қуёш тутилишини томоша қилиш учун энг қулай нуқталардан бири саналади. Шу сабабли минглаб сайёҳлар ва астрономия ишқибозлари айнан шу ҳудудга ташриф буюриши кутилмоқда.

Маълумот ўрнида шуни таъкидлаб ўтиш керакки, Қуёшнинг тўлиқ тутилиши — Ой Ер ва Қуёш орасидан ўтиб, қуёш дискни тўлиқ тўсиб қўядиган ва кундузи ҳам атроф қоронғилашадиган ноёб астрономик ҳодисадир.Астрономларнинг эслатишича, Қуёшга оддий кўз билан фақат тутилишнинг тўлиқ фазаси вақтида — қуёш диски Ой томонидан бутунлай тўсилган қисқа давр мобайнидагина хавфсиз қараш мумкин. Бошқа барча вақтларда ISO 12312-2 халқаро стандартига мос келувчи махсус ҳимоя кўзойнакларидан фойдаланиш шарт.

<iframe width="640" height="350" src="https://www.youtube.com/embed/nuPLYM2_1cM" title="Bugun 20 yil kutilgan to‘liq quyosh tutilishi kuzatiladi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳайё Турдалиева, Улуғбек Тўхтаев, ЎзА