Билимли ва ташаббускор талаба
ФОТОРЕПОРТАЖ
Қорақалпоғистон қишлоқ хўжалиги ва агротехнологиялар институтининг Зооинжерения факультети балиқчилик таълим йўналишининг 4-босқич талабаси, Ўзбекистон Республикаси Президенти давлат стипендияси соҳиби Бийбисанем Кенесбаева ўзининг зийраклиги, таълим олишга бўлган интилиши ташаббускорлиги билан тенгдошларига ўрнак бўлиб келмоқда.
Бийбисанем нафақат институт, балки мамлакат миқёсида ўтказилаётган турли танлов, илмий-амалий анжуман ва маданий тадбирларда фаол иштирок этиб келади. Бир қанча фан олимпиадаларида ғолиб бўлган.
[gallery-29345]
Унинг кўплаб илмий мақолалари ва тезислари нуфузли нашрларда чоп этилган. Шунингдек, у чет тилларини ўрганишга ҳам астойдил киришган. Тенгдошлари орасида намунали хулқи, камтарлиги ва изланувчанлиги билан алоҳида эътибор ва ҳурмат қозонган.
Мақсад ҲАБИБУЛЛАЕВ (сурат), ЎзА
