АҚШ виза беришни вақтинча тўхтатди
Дональд Трамп маъмурияти томонидан иммиграция назоратини кучайтириш бўйича амалга оширилаётган чора-тадбирлар доирасида иммиграцион виза аризаларини кўриб чиқиш вақтинча чекланди.
“Reuters” агентлиги Давлат департаменти вакилига таяниб маълум қилишича, дунё бўйлаб барча Америка элчихоналари ва консулликларида кенг қамровли ўқув машғулоти бошланган. Шу муносабат билан консуллик хизмати кўрсатиш жадвалига тегишли ўзгариш киритилган. Ушбу чеклов тренинг якунлангунга қадар амал қилади.
Қайд этилишича, мазкур қарор депортация жараёнини жадаллаштириш ва иммиграция талабини янада кучайтиришга қаратилган умумий кампаниянинг бир қисмидир. Охирги пайт Америка расмий идоралари берилган виза ёки доимий яшаш ҳуқуқи (грин-карта)ни турли важ билан бекор қилиш амалиётини сезиларли даражада кучайтирган.
Ф.Яхшибоева, ЎзА
