APL: Husanov 90 daqiqa o‘ynagan bahsda “Manchester Siti” so‘nggi daqiqalarda g‘alabani ilib ketdi
O'yinda kambek qayd etildi.
“Manchester Siti” Angliya Premyer-ligasining yangi mavsumini dramatik g‘alaba bilan boshladi. Enso Mareska jamoasi “Bornmut”ga qarshi bahsda uzoq vaqt hisobda ortda borib, yakunda uch ochkoni o‘zida saqlab qoldi — 2:1.
“Etihad”dagi uchrashuvda birinchi bo‘lib mehmonlar hisobni ochdi. 26-daqiqada Markus Tavernye imkoniyatdan unumli foydalanib, “Bornmut”ni oldinga olib chiqdi.
“Shaharliklar”ning javobi esa bahsning so‘nggi qismiga to‘g‘ri keldi. 84-daqiqada Mark Gexi muvozanatni tikladi. Oradan yetti daqiqa o‘tib, Yoshko Gvardiol “Siti”ning kambekini yakunladi. Xorvatiyalik himoyachi 90+1-daqiqada gol urib, jamoasiga g‘alaba keltirdi.
O‘zbekiston terma jamoasi himoyachisi Abduqodir Husanov ham “Manchester Siti”ning mavsumdagi ilk uchrashuvida asosiy tarkibdan joy oldi va bahsni to‘liq o‘tkazdi.
Shu tariqa, “Siti” yangi mavsumni uch ochko bilan boshladi. Manchesterliklar 28-avgust kuni 2-turda safarda “Kristal Pelas”ga qarshi maydonga tushadi. “Bornmut” esa 29-avgustda “Everton”ni qabul qiladi.
