1 қыркүйектен бастап автобусқа мінген бойда жолақы төлеу міндетті болады
Өзбекстанда 1 қыркүйектен бастап автобусқа мінген бойда жолақы төлеу міндетті болады.
Егер жолаушы автобусқа мінген кезде жолақысын төлемесе, ол билетсіз жүрген болып есептеліп, айыппұл салынуы мүмкін.
2026 жылғы 1 қыркүйектен бастап брутто-келісімшарт негізінде жұмыс істейтін барлық қалалық автобустарда жолақы төлеу тәртібі қатаңдатылады.
Жаңа талапқа сәйкес, жолаушылар автобусқа мінген бойда жолақысын төлеуге міндетті.
Жолақыны көлік немесе әлеуметтік картаны валидаторға тигізу, сондай-ақ банк картасы, смартфон және басқа да контактісіз төлем құралдары арқылы төлеуге болады.
Егер жолаушы автобусқа мінген кезде жолақысын төлемесе немесе жеңілдік құқығын растамаса, ол билетсіз жүрген болып саналады. Мұндай жағдайда жолаушыға айыппұл салынуы мүмкін.
Айта кетейік, жыл басынан бері Ташкент қаласында автобуста билетсіз жүрген 80 мыңға жуық жолаушыға айыппұл салынған болатын.
