Konferensiya rus va ingliz tillarida olib boriladi.

22-iyul kuni Xalqaro migratsiya tashkiloti, Oʻzbekiston Respublikasi Bandlik va mehnat munosabatlari vazirligi, Tashqi mehnat migratsiyasi agentligi, Yevropada xavfsizlik va hamkorlik tashkiloti hamda Oʻzbekiston yoshlar ittifoqi bilan hamkorlikda “Oʻzbekistonda yoshlar mehnat migratsiyasini tartibga solish istiqbollari” mavzusida xalqaro ilmiy-amaliy videokonferensiya oʻtkaziladi.

Konferensiyadan asosiy maqsad – yoshlar migratsiyasi sohasidagi mavjud muammolarni yaxshilash va hal qilish, bu boradagi kelgusidagi chora-tadbirlarni belgilash, ularni huquqiy tartibga solish istiqbollarini muhokama qilishdan iborat.

Konferensiya davomida yoshlar migratsiyasining hozirgi tendensiyalari, xavf-xatarlar tahlili, salbiy oqibatlarini minimallashtirish va huquqiy tartibi, shuningdek, fuqarolik jamiyati institutlarining xavfsiz va boshqariladigan yoshlar migratsiyasini taʼminlashdagi roli toʻgʻrisidagi masalalar muhokama qilinadi.

Konferensiya rus va ingliz tillarida olib boriladi. Shuningdek, toʻgʻridan-toʻgʻri (sinxron) tarjima xizmatidan foydalanish mumkin.