Маълумки, тазйиқ ва зўравонлик дунё бўйлаб кенг тарқалган оғриқли иллатлардан бири ҳисобланади. Бунга қарши курашишда аҳолини огоҳликка чорлаш, айниқса хотин-қизларнинг бу борадаги ҳуқуқий онгини, ўзига бўлган ишончини ошириш муҳим аҳамият касб этади.

Шунга кўра, Тошкент менежмент ва иқтисодиёт институтида “Биз зўравонликка қаршимиз” шиори остида “Зўравонликка қарши курашиш йўлида эмоционал интеллектни оширишнинг аҳамияти” мавзуида ўқув-семинари бўлиб ўтди.    

Бугунги кунда Тошкент менежмент ва иқтисодиёт институти — иқтисодиёт ва бухгалтерия соҳаларида таҳсил олишга чуқур ихтисослаштирилган олий ўқув юрти бўлиб, унда 4 мингдан ортиқ талаба таҳсил олади. Уларга 80 га яқин профессор-ўқитувчи таълим-тарбия бермоқда.  

Тадбирда талаба-қизларга мамлакатимизда гендер тенгликни таъминлаш борасида олиб борилаётган чора-тадбирлар, тазйиқ ва зўравонликка қарши курашиш, оила ва жамиятда аёлнинг ўрни каби мавзуларда тушунчалар берилди.    

<iframe width="640" height="420" src="https://www.youtube.com/embed/mDL9cPV5_OE" title="Зўравонликка қарши курашишда эмоционал интеллектни оширишнинг аҳамияти" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Шунингдек, диний ақидапарастлик, ёт ғоялар таъсирига тушиб қолмаслик ҳамда ёлғон кўрсатмаларга алданиб қолмаслик каби масалаларда мотивацион дарслар ўтилди.  

Гулноза Бобоева,

Аброр Содиқов (видео), ЎзА