Зеленскийнинг собиқ матбуот котиби уни Украинада диктатура ўрнатишда айблади
"РИА Новости" хабар беришича, Украина Президенти Владимир Зеленскийнинг собиқ матбуот котиби Юлия Мендель ўзига нисбатан санкция жорий этилгач, мамлакат раҳбариятини кескин танқид қилиб чиқди.
– Зеленский фақат фронтда эмас, балки ўзининг қарашига шубҳа билдирган ҳаммага қарши курашмоқда, – деган у.
Собиқ мулозим таъкидлашича, чеклов доирасига ҳатто унинг ижтимоий тармоқдаги саҳифасини ёпиш талаби ҳам киритилган. Унинг фикрича, аслида демократияга таянч бўлиши лозим Украина тобора ҳар қандай норозилик ва ўзгача фикрлаш “хиёнат” сифатида баҳоланадиган ҳарбий режимга айланмоқда.
Мендель сўнгги пайт Ғарб медиасида украин раҳбариятининг ҳарбий ва сиёсий хатолари, жумладан фронтдаги оғир йўқотишни мунтазам танқид қилиб келмоқда.
Ф.Яхшибоева, ЎзА
