“Ўзтемирйўловчи” акциядорлик жамияти томонидан 2018 йилнинг 2 январидан Қозоғистон ва Россия темир йўл йўналишларига 45 фоизгача чегирмалар жорий қилингани мамлакатимиз томонидан ўзаро преференциялар тақдим этиш борасидаги интилишларнинг амалий ифодаси бўлди.

“Ўзтемирйўловчи” акциядорлик жамияти томонидан 2018 йилнинг 2 январидан Қозоғистон ва Россия темир йўл йўналишларига 45 фоизгача чегирмалар жорий қилингани мамлакатимиз томонидан ўзаро преференциялар тақдим этиш борасидаги интилишларнинг амалий ифодаси бўлди.

Ўз навбатида, Қозоғистонда “Бейнов – Акжигит – Ўзбекистон чегараси” автомобиль йўлининг реконструкцияси бошлаб юборилди. Узунлиги 85 километр, умумий қиймати қарийб 20 миллиард тенгени ташкил этадиган мазкур йўл участкаси “Тошкент – Самарқанд – Бухоро – Нукус – Атирау – Астрахань” халқаро транзит-транспорт йўлаги таркибига киради. Ушбу йўлак мамлакатимизга Каспийбўйи минтақаси ҳамда Европа Иттифоқи мамлакатларига чиқиш имконини беради.

Шунингдек, Қозоғистоннинг Мақтаарал тумани ҳудудидан ўтган Тошкент ва Самарқандни боғловчи автомобиль йўлининг қайта ишга туширилиши, Тошкент – Олмаота йўналишида тезюрар поезд ва икки мамлакат шаҳарларини боғловчи автобус қатнови йўлга қўйилгани ҳудудлараро маданий-гуманитар алоқалар ривожи, савдо айланмаси ҳамда инвестициялар ҳажмининг сезиларли ошишини таъминламоқда.