Қирғизистонда ўсмирлар ўртасида теннис бўйича J30 таснифига кирувчи “Cholpon-Ata Open” халқаро турнири старт олди. Унда Асилбек Исмоилов ва Алан Зинатулин мамлакатимиз шарафини ҳимоя қилмоқда.

Мусобақанинг яккалик баҳслари биринчи даврасида Асилбек Исмоилов қозоғистонлик Анатолий Цибулкони 6:0, 4:6, 6:2 ҳисобида таслим қилди. Энди Асилбек иккинчи даврада нейтрал теннисчи Роман Кулпинга қарши чорак финал йўлланмаси учун рақобатлашади.  

Шунингдек, бугун, 27 май куни Алан Зинатулин илк даврада нейтрал теннисчи Ярослав Клишин билан куч синашади. Шунингдек, теннисчимиз жуфтлик беллашувларида нейтрал теннисчи Вадим Лиашенко билан тандем ҳосил қилиб, қозоғистонлик Тоир Кайретдинов ва Арофат Мустафага қарши кортга чиқади.  

Жавоҳир Тошхўжаев, ЎзА