Сурхондарё вилояти ички ишлар органлари ёш ходимлари ўртасида спортнинг “Киберспорт” тури бўйича мусобақа ўтказилди.

Мамлакатимизда “Янги Ўзбекистон ёшлари бирлашайлик!” шиори остида эълон қилинган “Ёшлар ойлиги” доирасида ташкил этилган мусобақада бошқарманинг соҳавий хизматлари ва туман, шаҳар ИИБлари ёш ходимларидан иборат жамоалар ўзаро беллашиб, интеллектуал салоҳиятини намойиш этди. 

Қизиқарли баҳсларга бой бўлган мусобақа якунида фахрли биринчи ўрин Жарқўрғон тумани ички ишлар бўлими жамоасига насиб этди. Иккинчи ўринни шўрчилик ва учинчи ўринни Узун тумани ички ишлар бўлими ёш ходимлари жамоаси қўлга киритди.

Ғолиб ва совриндорлар диплом ҳамда эсдалик совғалари билан тақдирланди.

Холмўмин Маматрайимов,

ЎзА мухбири