Италиянинг Сардиния ороли Ольбия шаҳри 6-10 октябрь кунлари Халқаро дзюдо федерацияси тақвим режасидан ўрин олган нуфузли мусобақа – ёшлар ўртасидаги жаҳон чемпионатига мезбонлик қилади. Бугун эрта тонгда жамоамиз Италияга жўнаб кетди.

Бу ҳақда Миллий олимпия қўмитаси матбуот хизмати хабар берди.

Дунёнинг 74 давлатидан жами 508 (296 эркак, 212 аёл) нафар 21 ёшгача дзюдочилар қатнашадиган жаҳон чемпионатида Ўзбекистон терма жамоаси аъзолари ҳам юртимиз шарафини ҳимоя қилади. Ольбия татамиларида жаҳон чемпионати медаллари учун 17 нафар дзюдочимиз баҳс олиб боради.

Йигитлар:

-60 кг: Камолиддин Бахтиёров

-66 кг: Азизбек Ортиқов, Абдулбосит Абдусалимов

-73 кг: Жайҳунбек Назаров

-81 кг: Нурбек Муртазоев

-90 кг: Дилшоджон Баҳодиров

-100 кг: Ўткирбек Тўрабоев, Суҳроб Ражабов

+100 кг: Шоҳрух Мамарасулов.

Қизлар:

-48 кг: Ҳалимажон Қурбонова

-52 кг: Юлиана Махсетбаева

-57 кг: Шукуржон Аминова

-63 кг: Фарангиз Режепова, Мамлакат Султонова, Фарангиз Ҳожиева

-78 кг: Ирисхон Қурбонбоева

+78 кг: Фотима Курамбаева.

Мураббийлар – Улуғбек Азизов, Муҳаммад Юсуф Ҳайдаров, Мўмин Набиев, Муқаддас Кубеева.