Ҳиндистоннинг Нью-Деҳли шаҳрида давом этаётган пара енгил атлетика бўйича жаҳон чемпионатида Ўзбекистон терма жамоасининг медаллари 3 та кумуш ва 1 та бронзага етди.

Мусобақанинг навбатдаги кунида ҳамюртимиз Ёрқинбек Одилов F57 тоифасидаги найза улоқтириш баҳсларида кумуш медални қўлга киритди. У мазкур йўналишда 52.06 метр натижа қайд этди ва бу унинг шахсий рекордига айланди. Дарвоқе, Ёрқинбек Одилов 2023 йилда Парижда ўтган чемпионатда ҳам иккинчи ўринни эгаллаган эди.

Эслатиб ўтамиз, чемпионатнинг илк кунида терма жамоамиз таркибида Кубаро Ҳакимова, Шаҳина Йигиталиева кумуш, Толлибой Йўлдошев бронза медалини қўлга киритган эди.

Жавоҳир Тошхўжаев,

ЎзА