Энергетика хавфсизлиги бугун дунёнинг барча давлатлари каби мамлакатимиз учун ҳам миллий хавфсизликнинг энг долзарб йўналишига айланди.

Сўнгги йилларда, давлатимиз раҳбари ташаббуси билан миллий энергетика тизими тубдан ислоҳ қилиниб,  бу йўлда барча имкониятлар ишга солинмоқда, катта маблағ ва бошқа ресурслар жалб этилмоқда.

Маълумки, Республика штаби томонидан мутасадди вазирлик, идораларнинг малакали ходимлари ҳамда олий таълим муассасаларининг профессор-ўқитувчиларидан иборат таркибда мураббийлар жамоаси шакллантирилган. Улар томонидан ёқилғи-энергия ресурсларидан фойдаланиш устидан давлат назоратини самарали ташкил этиш ва мувофиқлаштириш бўйича Термиз шаҳридаги ҳудудий ҳамда туман-шаҳар штаблари аъзолари учун “Ёқилғи-энергетика соҳасида давлат назоратини такомиллаштириш масалалари” мавзусида сайёр семинар машғулоти ташкил этилди.  

Семинарда соҳанинг малакали мутахассислари ҳамда профессор-ўқитувчилар томонидан ҳудудий ва туман-шаҳар штаблари ишини тўғри ташкил этиш, фаолиятини мувофиқлаштириб бориш, энергия ресурсларини иқтисод қилиш, технологик йўқотишларни олдини олиш, энергия ресурсларини талон-торож қилиш ҳолатларини фош этиш ва бошқа долзарб мавзулар юзасидан ўқув машғулотлари ўтказилди.  

<iframe width="791" height="445" src="https://www.youtube.com/embed/2FbhWlBX7Ds" title="Yoqilgʻi-energetika sohasida davlat nazoratini takomillashtirish masalasi muhokama etildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жонибек ҚЎЗИМУРОДОВ (сурат ва видео), ЎзА