Халқаро футбол тарихи ва статистикаси федерацияси – “IFFHS” турли йўналишларда 2023 йилнинг энг яхши футболчисини аниқлаш мақсадида сўровнома ўтказмоқда.

Ушбу сўровномаларда  120 мамлакатнинг “IFFHS” ташкилотига аъзо бўлган журналистлари ва футбол экспертлари қатнашади. “IFFHS” ўз талқини бўйича 20 ёшгача бўлган футболчилар орасида “2023 йилнинг энг яхши ёш футболчиси” номинацияси бўйича ғолибликка даъвогар бўлган 26 нафар ўйинчи рўйхатини эълон қилди.  

Биз учун ушбу хабарнинг аҳамиятли жиҳати шундаки, мазкур рўйхатда миллий терма жамоамиз аъзоси ва “ЦСКА” (Москва) клуби аъзоси Аббосбек Файзуллаев ўрин олган. Шунингдек, “2023 йилнинг энг яхши ёш футболчиси”  совринига даъвогарлар қаторидан Жуд Беллингем, Жамол Мусиала,Гави, Ламин Ямал, Уоррон Заир-Эмери,  Алехандро Балде, Эван Фергюсон, Рас ус Хойлунд каби Европанинг гранд клубларида тўп тепаётган ёш юлдузлар ҳам жой олган.  

Маълумот учун, Аббосбек Файзуллаев даъвогарлик қилаётган йилнинг энг зўр ёш футболчиси номинациясида бирорта ҳам осиёлик футболчи йўқ. Мазкур танлов натижалари  2024 йилнинг 1 январь куни эълон  қилинади.

Жавоҳир Тошхўжаев, ЎзА