Япония ташқи ишлар вазирлиги баёнотида айтилишича, кун чиқар мамлакат Россия Федерациясидан икки, Беларусдан тўққиз ташкилотга экспорт чекловини кенгайтирмоқда.

Махсус ҳужжатда қайд этилишича, ушбу корхоналар экспортини расмийлаштириш учун Ташқи ишлар вазирлигининг махсус рухсати талаб қилинади.

— Япония “Украинадаги вазият муносабати билан” Россиянинг 52 ташкилоти ва 10 нафар шахсига, шунингдек Беларуснинг қатор корхоналарига қарши санкция жорий қилмоқда, — дейилган ТИВ матбуот хизмати тарқатган хабарда. — Ушбу жамоалар учун тўлов ва капитал амалиёти бўйича чеклов назарда тутилган.

Шунингдек, Россиядан нефть импортига нарх чегараси 2025 йил 12 сентябрдан 60 доллардан 47,6 долларгача пасайтирилмоқда.

— РФ ишлаб чиқарган хом нефть қиймати, шунингдек денгиз орқали ташиладиган маҳсулотни сотиб олиш билан боғлиқ капитал амалиёт тасдиқланиши ёки рухсат этилиши шарт.

С.Раҳимов, ЎзА