Муаллимларига эса маиший техникалар, мактаб кутубхонасига янги китоблар, тумандаги таълим муассасалари ва маҳаллалар ёшларига 20 турдаги спорт анжомлари совға қилишди.

Инсон улғайиб, дунёнинг қай бурчагига бормасин, қадрдон мактаби доим ёдида бўлади. Ҳаётда эришган ҳар бир ютуғи учун унга таълим берган муаллимларидан ҳамиша миннатдор бўлади. Улардан ўзини қарздордек ҳис этади.  

Президент маслаҳатчиси ўринбосари – Халқ қабулхонаси раҳбари У.Муҳаммадиев синфдошлари билан ўзлари таълим олган Яккабоғ туманидаги 83-мактабни таъмирлаб бергани бунга ёрқин ҳаётий мисол бўла олади.  

Собиқ битирувчиларнинг устозлари ва туман ёшлари билан мулоқотида ҳам мактаб – ҳар бир инсон учун иккинчи уй экани таъкидланди.  

Азиз хотиралар, самимий ва дилкаш суҳбатлар асносида муаллимларга маиший техникалар, 83-мактаб кутубхонасига янги китоблар, тумандаги таълим муассасалари ва маҳаллалар ёшларига 20 турдаги спорт анжомлари совға қилинди.  

 

ЎзА