WBA янги рейтингида Шаҳрам ва Муроджон тенгсиз
Бутунжаҳон бокс ассоциацияси (WBA) профессионал боксчиларнинг янгиланган рейтингини эълон қилди. Ушбу жадвалдан мамлакатимизнинг 6 нафар боксчиси жой олди.
Янгиланган рейтингга кўра, Ҳасанбой Дўсматов минимал вазнда иккинчи ўриндан жой олди. Муроджон Аҳмадалиев эса биринчи ярим енгил вазнда вақтинчалик чемпион дея эътироф этилди. Ушбу вазндаги яна бир боксчимиз Отабек Холматов ўтган ойдаги сингари 4-ўринда қолди.
Ярим ўрта вазн тоифасида Шаҳрам Ғиёсов ҳамон биринчи бўлиб турган бўлса, Исроил Мадримов супер ярим ўрта вазн тоифаси 4-ўринда қолди. Бектемир Мелиқўзиев супер ўрта вазнда 3-ўриндан жой олди.
Жавоҳир Тошхўжаев, ЎзА