Венесуэладаги зилзила қурбонлари сони 1700 нафардан ошди (+видео)
Венесуэлада 24 июнь куни содир бўлган икки кучли зилзила оқибатида ҳалок бўлганлар сони 1719 нафарга етди. Яна 5034 киши жароҳат олган. Бу ҳақда мамлакат ҳокимияти маълум қилди, деб хабар берди DW нашри
Расмий маълумотларга кўра, 15 866 нафар киши уй-жойидан айрилган. Шунингдек, фожиадан беш кун ўтганига қарамай, ўн минглаб одамлар бедарак деб ҳисобланмоқда.
24 июнь куни мамлакат пойтахти Каракаснинг ғарбида 39 сония фарқ билан магнитудаси 7,2 ва 7,5 бўлган икки кучли зилзила содир бўлган. Бу Венесуэлада сўнгги 125 йилда кузатилган энг кучли зилзилалар ҳисобланади.
Табиий офатдан кейин ўнлаб такрорий ер силкинишлари қайд этилди. Кўплаб уйлар вайрон бўлди, айниқса Ла-Гуайра штати катта зарар кўрди. Бу ҳудудда мамлакатнинг халқаро аэропорти ва энг йирик денгиз порти жойлашган.
Зилзиладан кейин Венесуэлада фавқулодда ҳолат эълон қилинди. Цунами ҳақида огоҳлантириш миллий маркази ҳодисани «сейсмик дублет», яъни бир ҳудудда бир неча сония оралиғида иккита кучли зилзила содир бўлиши ҳолати сифатида баҳолади.
<iframe width="640" height="420" src="https://www.youtube.com/embed/BDaFtt198HM" title="Venesueladagi zilzila qurbonlari soni 1700 nafardan oshdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Салимжон Обиджонов (видео), ЎзА
