Ўзбекистон Республикаси Вазирлар Маҳкамасининг қарорига кўра, Баҳодиржон Очилбоевич Онорбоев бошқа ишга ўтиши муносабати билан Ўзбекистон Республикаси Вазирлар Маҳкамаси Таълим, соғлиқни сақлаш, маданият, ёшлар, маънавият ва жамоат ташкилотлари, маҳалла ва оилани қўллаб-қувватлаш масалалари котибиятининг мудири лавозимидан озод қилинди.

Мазкур қарорга биноан Баҳодиржон Очилбоевич Онорбоевнинг аввалги лавозими бўйича тиббий хизмат кўрсатиш шароитлари сақлаб қолинади.

Эслатиб ўтамиз, аввалроқ Баходиржон Онорбоев мактабгача таълим вазирининг биринчи ўринбосари лавозимига тайинлангани ҳақида маълум қилинган эди.