Улуғбек Мирзаев: Футболда катта ютуқлар ўз-ўзидан қўлга киритилмайди
Жорий йилнинг 11 июнь - 19 июль кунлари АҚШ, Канада, Мексика давлатларида футбол бўйича навбатдаги Жаҳон чемпионати баҳслари бўлиб ўтади.
Бугунгача мазкур чемпионатда иштирок этиши керак бўлган 48 та миллий терма жамоанинг 42 таси маълум бўлган.
Улар қаторида Ўзбекистон терма жамоаси аъзолари борлиги мамлакатимиз футбол мухлислари қалбига бир олам қувонч ва ифтихор бағишлаётгани бор гап.
Дарҳақиқат, йиллар давомида кутилган Жаҳон чемпионати йўлланмаси қўлга киритилдики, бу, нафақат спорт, балки янги Ўзбекистон тамойили асосида мамлакатимизда жисмоний тарбия ва спорт ривожини янги юксалиш даврига олиб чиққани билан катта аҳамият касб этди.
Хўш, Жаҳон чемпионатида “К” гуруҳидаги рақибларимиз билан тенг кураш олиб бора оламизми?
Миллий терма жамоамизнинг имкониятлари қандай?
Бош мураббий Фабио Каннаваро томонидан олиб борилаётган тайёргарлик ишлари натижа кўрсатишимизга замин бўла оладими?
Таниқли футбол эксперти, ҳозирда Бекободнинг “Металлург” футбол клубида бош директори вазифасида фаолият юритиб келаётган Улуғбек Мирзаев билан ўтказган суҳбатимиз давомида шу ҳақдаги мавзулар хусусида фикр юритилди.
Мулоқот давомида, шунингдек, Миллий чемпионатларимизнинг юқори ва қуйи лигалари, “Металлург” жамоасининг келгуси режалари, футболчиларни жароҳатлардан ҳимоя қилиш борасидаги ишларни ташкил этиш, мухлислар қўлловининг аҳамияти каби бир қатор масалалар хусусида сўз борди.
Батафсил қуйидаги ҳаволада.
<iframe width="560" height="315" src="https://www.youtube.com/embed/BIiK9SjD3eY?si=MjWpq5jVkmY1Tjxr" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Тўлқин Рўзиев,
Ойбек Давронов (видео),
ЎзА
