Туркия, Руминия ва Польша давлатлари ташқи сиёсат идоралари раҳбарлари 26 июнь куни Польшада тўпланишни режалаштирган. Мазкур учрашув Россия – Украина зиддияти туфайли “мамлакатларда кескин вазият юзага келгани” асносида ташкил этилмоқда, дея хабар тарқатди “CNN Türk” телеканали тегишли манбаларга таяниб.

– Йигирма олтинчи июнда вазир Фидан Польшага жўнаб кетади, – дейилган ахборотда. – Мамлакатда кескин вазият юзага келган, хавотир даражаси кўтарилган. Туркия – Руминия – Польша ташқи ишлар вазирлари иштирокидаги уч томонлама учрашувда Фидан ҳам қатнашади.

Россия билан чегарадош бўлгани учун, Украина масаласи нуқтаи назаридан, Польша айни пайт “ўта муҳим мамлакат” сифатида кўриляпти.

Аввалроқ ижтимоий тармоқда Польша Россиянинг Украинадаги ҳаракати фаоллашгани ортидан ўз авиациясини ҳавога кўтаргани тўғрисида маълумот тарқалган эди.