Туркия Озарбайжон билан ҳарбий ҳамкорлик тўғрисидаги декларацияни ратификация қилди
Туркия парламенти Озарбайжон билан ҳарбий ҳамкорлик бўйича Шуша декларациясини ратификация қилди, деб ёзмоқда РИА Новости.
Аввалроқ Озарбайжон парламенти ҳам Туркия билан иттифоқчилик муносабатлари тўғрисидаги Шуша декларациясини тасдиқлаган эди.
Мазкур ҳужжатнинг қабул қилиниши учун 266 депутат овоз бергани айтилмоқда.
Икки давлат муносабатларига боғлиқ тарихий ҳужжат сифатида баҳоланаётган Шуша декларацияси Туркия президенти Режеп Таййип Эрдўғон билан Озарбайжон президенти Илҳом Алиев томонидан ўтган йилнинг 15 июнида имзоланган эди. Унда икки мамлакатнинг учинчи бир мамлакатдан таҳдид ёки босқинчилик юз берса биргаликда ҳаракат қилиши қайд этилган. Бундан ташқари, декларацияда томонларнинг қуролли кучларни модернизациялаш учун биргаликда саъй-ҳаракатларни давом эттириши ҳақидаги банд ҳам бор.