Трамп нима деди?
АҚШ Президенти Дональд Трамп Нью-Йорк мэри Зуҳрон Мамданий билан учрашувдан сўнг журналистлар билан мулоқот қилди. У президент тадбирларини ёритишдан тўхтаган телеканалларни назарда тутиб, “Улар мени ҳеч қачон бойкот қилмайди”, деди.
Бойкотга эса Оқ уйнинг CNN, MS NOW ва “Politico” журналистлари ҳудудга кириши тақиқлангани сабаб бўлган. Шундан сўнг президентлик телекўрсатувлар пули таркибидаги ABC, CBS, CNN, “Fox News” ва NBC Трамп тадбирларини навбат асосида ёритишни вақтинча тўхтатишга қарор қилди. CNN навбатини бошқа каналга бериш ҳам режалаштирилмаган.
Мамданий Трамп билан учрашувдан кейин барча журналистлар тадбирда иштирок этиши мумкинлигини айтди. Оқ уй эса тақиқланган нашрлар журналистларига ахборот тарқатиш ҳуқуқи сақланиб қолиши, уларга махсус аккредитация ва матбуот ҳудудига кириш кафолатланмаслигини билдирди. CNN, MS NOW ва “Politico” маъмурият қарорини судга бериб, матбуот эркинлигига оид конституциявий ҳуқуқ бузилганини таъкидлаган.
Мусулмон Зиё, ЎзА
