Трамп: НАТО саммитига Эрдоғанга бўлган ҳурматим учун бораман (+видео)
АҚШ президенти Дональд Трамп Анқарада бўлиб ўтадиган НАТО саммитида иштирок этишини ва бу қарорни Туркия президенти Ражаб Тоййиб Эрдоғанга бўлган ҳурмати билан изоҳлади, деб хабар қилди Anadolu агентлиги
Бу ҳақда Трамп НАТО бош котиби Марк Рютте билан Оқ уйда ўтказилган қўшма матбуот анжуманида маълум қилди.
Трамп Туркиянинг Эрон билан можарога аралашмаганидан мамнун эканини билдириб, Эрдоған ҳақида илиқ фикрлар айтди.
«Эрдоған ажойиб раҳбар, кучли шахс. Унинг кучли армияси бор. У Туркияни яхши кўради ва мамлакат учун яхши иш қилмоқда. У менинг дўстим ва ҳурматга сазовор етакчи», — деди Трамп.
CNN мухбирининг Туркияга F-35 қирувчи самолётлари ва авиация двигателлари етказиб бериш бўйича ижобий янгиликлар билан келасизми, деган саволига Трамп бу эҳтимолни инкор этмади.
«Туркия НАТОнинг кучли аъзоси. Балки Эрдоғанни хурсанд қиладиган қарор қабул қиларман», — деган АҚШ раҳбари.
Шунингдек, Трамп Туркиянинг мудофаа саноати салоҳиятини ҳам юқори баҳолади.
Унинг таъкидлашича, Туркияда НАТО давлатлари, жумладан АҚШ билан ҳамкорлик қилаётган 3 мингга яқин мудофаа компаниялари фаолият юритади.
«Кўпчилик Туркиянинг ҳарбий жиҳатдан қанчалик кучли эканини тўлиқ англамайди. Эрдоған даврида мамлакат жуда кучли армияга эга бўлди», — деди Трамп.
<iframe width="455" height="815" src="https://www.youtube.com/embed/Q1um9m7aaWU" title="Tramp: NATO sammitiga Erdog‘anga bo‘lgan hurmatim uchun boraman" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Улуғбек Тўхтаев (видео), ЎзА
