Трамп криптовалюта савдосидан 300 миллион доллардан ортиқ маблағ ишлаб олди
АҚШ президенти Дональд Трамп ва унинг иттифоқчилари январь ойида «TRUMP» криптовалютаси ишга туширилгандан сўнг, устама тўловларидан 300 миллион доллардан кўпроқ даромад олишди, деб хабар бермоқда “Newsmax” телеканали.
Қайд этилишича, сўнгги икки кун ичида ушбу сумманинг 900 минг доллари олинган.
«TRUMP» криптовалютасининг 200 нафар энг йирик эгалари Қўшма Штатлар етакчиси билан Вашингтондаги кечки овқатга таклиф қилиниши ҳақида эълон чиққандан кейин танганинг бозор қиймати 50 фоизга ошиб кетди ва 2,7 миллиард долларга етди.
Эртага Трампнинг Вашинтондаги гольф-клубида президент иштирокида ёпиқ кечки зиёфат уюштирилади. Таклиф этилганларнинг 25 нафари учун давлат раҳбари билан олий даражадаги учрашув ва Оқ уй бўйлаб саёҳат кўзда тутилган.
С.Раҳимов, ЎзА