Эрта тонгдан бошланиб мамлакатимизнинг барча жойларида бўлгани каби Тошкент вилоятида ҳам Ўзбекистон Республикаси Президенти сайлови кўтаринки руҳда давом этмоқда.

10-сайлов участкаси Нурафшон шаҳридаги Давлат хизматлари маркази биносида жойлашган. Бу ерда Бобур маҳалласида яшайдиган 1 минг 92 нафар сайловчи овоз беради. Айни пайтда улар сайлов участкасига келиб, ўз истак-иродаларини эмин-эркин ифода этмоқда.

Вилоятнинг биринчи раҳбари Даврон Ҳидоятов ҳам оила аъзолари билан мазкур сайлов участкасига келиб, ўзи муносиб деб билган номзодга овоз берди.

Ҳудудларида сайловлар кўтаринки руҳда ва сайловчиларнинг юксак уюшқоқлигида давом этмоқда.

 

А.Мусаев,

ЎзА