Tomas Tuxel: “Bu jamoa yana o‘ziga xos ekanini isbotladi”
Uchrashuvning jismoniy tomoni meni xavotirga solgandi.
Angliya terma jamoasi bosh murabbiyi Tomas Tuxel JCH–2026 uchinchi o‘rin uchun bahsda Fransiya ustidan qozonilgan 6:4 hisobidagi g‘alabadan so‘ng o‘z fikrlari bilan o‘rtoqlashdi.
"Birinchi bo‘limni ajoyib o‘tkazdik. Ikkinchi bo‘lim esa ancha qiyin kechdi. Bunga atigi bir kunlik dam olishdagi farq va o‘yinlar taqvimidagi tafovut ham ta’sir qildi.
So‘nggi haftalarda futbolchilar juda charchab qolishdi. Shuning uchun ularning maydondagi ruhiyati va kurashuvchanligini alohida e’tirof etaman. Eng muhimi, jamoa qiyinchiliklarni yengib o‘ta oldi.
Uchrashuvning jismoniy tomoni meni xavotirga solgandi. Fransiyaning tezligi va sifati yuqori ekanini bilardik. Ular bizga qaraganda bir kun ko‘proq dam oldi va kamroq masofa bosib o‘tdi.
Biz esa issiq ob-havo va balandlik sharoitida o‘ynadik. Shunga qaramay, jamoamning xarakteriga hech qachon shubha qilmaganman. Avval ham aytgandim, bu jamoa alohida ishlarni amalga oshirishga qodir. Bugun ular buni yana bir bor isbotladi", — dedi Tuxel.
Eslatib o‘tamiz, Angliya JCH–2026 uchinchi o‘rin uchun bahsda Fransiyani 6:4 hisobida mag‘lub etib, 60 yillik tanaffusdan so‘ng Jahon chempionatidagi ilk medalini qo‘lga kiritdi.
