ФОТОРЕПОРТАЖ

Ўзбекистон ёшлар иттифоқи Марказий Кенгаши ташаббуси билан бир қатор вазирлик ва идоралар ҳамкорлигида “Тинчлигимиз, тараққиёт ва фаровонлик учун!” шиори остида республика “Кўпкураш” ҳарбий-ватанпарварлик спорт мусобақаси ўтказилмоқда.

Ушбу мусобақанинг Самарқанд вилоят босқичида барча туман-шаҳарларда ғолибликни қўлга киритган мард, жасур ва шижоатли ёшлардан таркиб топган 16 жамоа республика босқичи йўлланмаси учун баҳслашди.

[gallery-13209]

Вилоят босқичида жамоалар тезкор савол-жавоб, автоматни қисмларга ажратиш ва йиғиш, камондан ўқ отиш, ҳарбий биатлон, арқон тортиш шартлари бўйича ўзаро куч синашди.

Муросасиз баҳсларга бой бўлган “Кўпкураш” ҳарбий-ватанпарварлик спорт мусобақаси Самарқанд вилоят босқичи ғолиблиги Тойлоқ туманидаги 1-сонли касб-ҳунар мактабининг “Жасорат” жамоасига насиб этди. Кейинги ўринларни Жомбой  ва Нарпай тумани жамоалари эгаллади.

Ғолиб жамоалар ҳамда фаол иштирокчилар ташкилотчилар томонидан диплом ва пул мукофотлари билан тақдирланди.  

 

Алишер ИСРОИЛОВ(сурат),ЎзА