Замонавий медиамаконда тил сиёсатига эътибор қаратиш, миллий контентни ривожлантириш, глобал ахборот майдонида рақобатбардош медиа матнларини яратиш муҳим масалалардан бири ҳисобланади.

Ўзбекистон давлат жаҳон тиллари университетида ўтказилган “Медиакоммуникация: тил сиёсати ва маданият” мавзусидаги халқаро илмий-амалий анжуман ҳам шу масалага бағишланди.

Университетнинг маданиятлараро коммуникациянинг лингвистик таъминот кафедраси томонидан  ташкил этилган тадбирда мамлакатимиз олимлари, Германия, Польша, Испания, Ҳиндистон, Туркия, Россия, Қозоғистон каби давлатлардан соҳа мутахассислари, профессор-ўқитувчилар иштирок этди.  

Анжуманда миллий контентни яратиш ҳамда ривожлантиришда журналистиканинг роли ва ўрни, медиамаҳсулотларни яратишда босма, электрон оммавий ахборот воситаларининг аҳамияти, социолингвистика, тил тараққиёти, хорижий тил таълимида инновацион технологиялар масалалари муҳокама этилди.  

Маҳфуза Ортиқова, ЎзА