The Guardian: Нетаньяху ва Трамп муносабати Эрон билан урушдан кейин кескин ёмонлашди
"The Guardian" нашри ёзишича, Исроил Бош вазири Биньямин Нетаньяху ва АҚШ Президенти Дональд Трамп ўртасидаги муносабат Эронга қарши қўшма кампания оқибати асносида кескин ёмонлашмоқда.
Вашингтонда Исроил раҳбарияти ҳаракати ва Нетаньяхунинг Эронга қарши амалиётдан олдин берган баҳосидан норозилик кучайган. Манбалар Трамп маъмурияти Исроил Теҳроннинг заифлиги ва Эрон режими тез қулаши истиқболини бўрттириб кўрсатган, деб ҳисоблайди.
Шунингдек, Трамп можаро узоқ давом этиши, Эрон кенг кўламли қасоскор ҳужум билан жавоб бериши ва халқаро босим кучайиб бориши туфайли Нетаньяхудан узоқлаша бошлагани таъкидланган. Мақолада икки томоннинг келгуси режаси борасида жиддий келишмовчилик юзага келгани, Исроил АҚШ воситачилигидаги баъзи дипломатик музокаралардан четлаштирилгани ҳам қўшимча қилинган.
Шунга қарамай, Исроил Бош вазири ҳамон Оқ уй билан “яқин ҳамкорлик” қилаётганини айтиб келади. Бинобарин, таҳлилчилар фикрича, икки етакчининг бир-бирига ишончи сезиларли даражада камайган. Собиқ исроиллик дипломатнинг сўзларига кўра, “улар сиёсий жиҳатдан бир-бирига жиддий панд беришди”.
С.Раҳимов, ЎзА
