Ўзбекистон миллий терма жамоаси 9 октябрь куни Тошкентда Кувайт ҳамда 13 октябрь куни Малайзияда Уругвай терма жамоасига қарши майдонга тушади.

Термамизнинг ушбу учрашувларга тайёргарлиги 6 октябрдан бошланадиган бўлди. Октябрь ойидаги йиғинга қуйидаги футболчилар жалб этилди:

Дарвозабонлар: Абдувоҳид Неъматов ("Насаф"), Ботирали Эргашев ("Нефтчи"), Владимир Назаров ("Пахтакор")

Ҳимоячилар: Рустам Ашурматов ("Истиқлол", Эрон), Шерзод Насруллаев ("Насаф"), Фарруҳ Сайфиев ("Нефтчи"), Муҳаммадқодир Ҳамралиев ("Пахтакор"), Ҳожиакбар Алижонов ("Пахтакор"), Алибек Давронов ("Насаф"), Жаҳонгир Ўрозов ("Динамо"), Муҳаммадрасул Абдумажидов ("Пахтакор"), Дилшод Саитов ("Пахтакор")

Ярим ҳимоячилар: Акмал Мозговой ("Банияс", БАА), Абдурауф Бўриев ("Пахтакор"), Одилжон Ҳамробеков ("Трактор", Эрон), Азизжон Ғаниев ("Ал Батаэҳ", БАА), Умарали Раҳмоналиев ("Сабаҳ", Озарбайжон), Ҳожимат Эркинов ("Пахтакор"), Отабек Шукуров ("Банияс", БАА), Жамшид Искандеров ("Нефтчи"), Остон Ўрунов ("Персеполис", Эрон), Аббосбек Файзуллаев ("Истанбул Башакшехир", Туркия), Нодир Абдураззоқов (ОКМК), Анвар Ҳожимирзаев ("Динамо")

Ҳужумчилар: Рустам Турдимуродов ("Сурхон"), Элдор Шомуродов ("Истанбул Башакшехир", Туркия), Игорь Сергеев ("Пахтакор")

Жавоҳир Тошхўжаев, ЎзА