Қозоғистоннинг Шимкент шаҳрида ITF мусобақалари тақвимидан ўрин олган М15 тоифасидаги теннис турнирида ҳамюртимиз Сергей Фомин муваффақиятли иштирок этмоқда.

Жуфтлик баҳсларида Сергей нейтрал теннисчи Павел Вербин билан финалга йўл олди. Улар ярим финалда нейтрал теннисчи Иван Денисов ва полшалик Яса Шайрих дуэтини 6:1, 6:3 ҳисобида мағлубиятга учратишди.

Энди ҳал қилувчи финал баҳсида Фомин/Вербин жуфтлиги австриялик Грегор Рамскоглер ва германиялик Кай Венелт жуфтлиги билан куч синашади.

Шу билан бирга, бугун Сергей Фомин яккалик баҳсларининг ярим финалида кортга чиқади. У германиялик рақиби Адриан Отсбахга қарши финал йўлланмаси учун баҳс олиб боради.

Жавоҳир Тошхўжаев, ЎзА