Нуруллаев Ботиржон Ўткирович Самарқанд вилояти ҳокимининг туризм, спорт, маданият, маданий мерос ва оммавий коммуникациялар масалалари бўйича ўринбосари – Туризм ва спорт бош бошқармаси бошлиғи этиб тасдиқланди.
Б.Нуруллаев 1969 йилда Тошкент шаҳрида туғилган. 1989 йилда Самарқанд қишлоқ хўжалик институтини, 2005 йилда Тошкент молия институтини тамомлаган. Мутахассислиги бўйича иқтисодчи-ташкилотчи, банк иши.
Меҳнат фаолиятини 1990 йилда Самарқанд туманидаги жамоа хўжалигида иқтисодчиликдан бошлаган ва сўнгра банк идораларида меҳнат қилган.
2002-2011 йилларда Ўзбекистон Республикаси Ташқи иқтисодий фаолият Миллий банки бошқарувчиси раиси ўринбосари бўлган. Кейинчалик Россия Федерацияси “Воловский бройлер” очиқ акциядорлик жамияти (2011-2017), “Tau Tools U” очиқ акциядорлик жамияти бош директори (2018) сифатида фаолият кўрсатган.
Б.Нуруллаев 2018 йилнинг 1 августидан Самарқанд вилояти ҳокимининг туризмни ривожлантириш масалалари бўйича ўринбосари вазифасида ишлаб келаётган эди.
ЎзА