Нукусда “Инсон қадрини улуғлаш ва фаол маҳалла йили”га бағишланган халқаро анъанавий Тасвирий ва амалий санъат фестивали бўлиб ўтди.
Фестиваль доирасида Қорақалпоғистон Республикаси ихтисослаштирилган санъат мактабида Ўзбекистон Бадиий Ижодкорлар уюшмаси аъзолари Ж.Абатов ҳамда Қ.Хўжамуратов билан учрашув бўлиб ўтди. Нукус шаҳридаги Есжан бахши номидаги болалар мусиқа ва санъат мактаби ўқувчиларининг кўргазмаси ташкил этилди. Шу ерда Ўзбекистон Бадиий Ижодкорлар уюшмаси аъзоси Г.Ембергенова томонидан маҳорат дарси ўтказилди.
Ажиниёз номидаги Нукус давлат педагогика институти тасвирий санъат ва муҳандислик графикаси ихтисослиги талабаларининг Чимбой туманидаги Ўзбекистон Бадиий Ижодкорлар уюшмаси аъзоси, Қорақалпоғистон Республикасида хизмат кўрсатган санъат арбоби Д.Тажимуратовнинг устахонасига саёҳати уюштирилди. Таниқли рассом томонидан талабаларга маҳорат дарси ўтилди.
Ўзбекистон тасвирий санъат галереясида И.В.Савицкий номидаги Қорқалпоғистон Республикаси Давлат санъат музейи ва Ўзбекистон Бадиий Академияси Қорақалпоғистон бўлими билан ҳамкорликда “Менинг она диёрим - менинг Қорақалпоғистоним” деб номланган кўргазма ташкил этилди. Шунингдек, Қорақалпоғистон Республикаси ихтисослаштирилган санъат мактаби, болалар мусиқа ва санъат мактаблари ўқувчиларининг кўргазмалари, таниқли рассомлар иштирокида маҳорат дарслари, Ўзбекистон Бадиий академияси Қорақалпоғистон бўлими кўргазма саройида фестивалнинг якуний кисмига бағишланган ўқувчи ва талаба ёшлар асарларидан иборат “Ранглар жилосида она диёр” номли кўргазма бўлиб ўтди.
Фестиваль якунида фаол иштирокчиларга медаль, диплом ва сертификатлар топширилди.
[gallery-6790]
Довуд Абибуллаев, Мақсад Ҳабибуллаев (сурат), ЎзА