Тарихий олтин: Шаҳзод Нурматов ва Собир Сафаралиев — жаҳон чемпиони!
Нидерландиянинг Амстердам шаҳрида академик эшкак эшиш бўйича жаҳон чемпионати давом этмоқда.
Мусобақанинг енгил вазнли спортчилар ўртасидаги жуфтликлар дастурида (LM2x) Ўзбекистон терма жамоаси аъзолари Шаҳзод Нурматов ва Собир Сафаралиев олтин медални қўлга киритди.
Ушбу натижа Ўзбекистон академик эшкак эшиш спорти тарихида катталар ўртасидаги жаҳон чемпионатида қўлга киритилган илк олтин медаль сифатида қайд этилди.
Мазкур дастурда Германия экипажи кумуш, АҚШ вакиллари эса бронза медалга сазовор бўлди.
Шу тариқа, Шаҳзод Нурматов ва Собир Сафаралиев мамлакатимиз академик эшкак эшиш спорти тарихида янги саҳифа очди.
Жавоҳир Тошхўжаев, ЎзА
