Кузатувчиларнинг саволларига Транспорт вазирлиги Автомобиль ва дарё транспортини ривожлантириш департаменти бошлиғи Руслан Рўзметов жавоб берди.

– Мен давлат ишида ишлайман. Бўш вақтимда ўзимнинг шахсий машинамда таксичилик қилишим учун қандай қоидаларга амал қилишим керак? 

– Ўзини-ўзи банд қилувчи фуқаро сифатида рўйхатдан ўтган ҳолда, ишдан ташқари бемалол такси фаолияти билан шуғулланиш мумкин. Унда кунлик рейс олди техник кўрик, автотранспорт воситасини гаражда сақлаш талаблари ўзининг жавобгарлигида қолади. Ишдан кейин ўзига қулай бўлган вақтда такси фаолияти билан ўзини-ўзи банд қилган фуқаро сифатида рўйҳатдан ўтиб, фаолият кўрсатиш мумкин. 

Бу қоида  фуқаро йилига бир маротаба  машинасини техник кўрикдан, ўзини эса тиббий кўрикдан ўтказиш талаби сақланиб қолган холатда амалга оширилади. 

– Мен лицензия олиб, машинамга “шашка” қўйиб кўчада ишлаб юрсам бўладими? Ёки яндекс-такси хизматида ишлашим керакми? 

– Ҳозир “шашка”, яъни такси плафонини бериш тартиби қоляпти. Сабаби йўлда фаолият кўрсатаётган жисмоний шахснинг транспорт воситаси билан йўловчи ташувчи таксини ажратиш мақсадида ҳам йўловчига, ҳам таксичига қулай бўлиши учун яратилган. 

Олдин Вазирлар Маҳкамасининг тегишли қарори билан сариқ, фил суяги рангига бўяш тартиблари бор эди. Кейин сариқ паласа қўйиш тартиби жорий этилди. Ҳозир бу янада соддалашди. Фуқаро плафонни бўяши, автотранспорт воситасини ташқи кўринишига ўзгартириш киритиши шарт эмас. Фақат ишлаган пайти плафонни қўйиб, ишламаган пайтлари олиб қўйса бўлади. Бу ҳам таксичилик билан шуғулланишда катта қулайлик яратади. 

<iframe width="1903" height="743" src="https://www.youtube.com/embed/ZVyTOdYAQis" title="БЎШ ВАҚТЛАРИМДА ТАКСИЧИЛИК ҚИЛИШ УЧУН ҚАНДАЙ ҚОИДАЛАРГА АМАЛ ҚИЛИШИМ КЕРАК?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

Н.Раҳмонова,  
Ё.Мелибоев (видео) ЎзА