Таиланднинг Самуи ороли яқинида нефть танкери билан балиқчи кемаси тўқнашиб кетиши натижасида икки киши ҳалок бўлган, уч нафар балиқчи қутқариб олинган, деб маълум қилмоқда маҳаллий "Thaiger" портали.

Хабарда келтирилишича, экипаж аъзоси беш кишидан иборат бўлган "Talay Nam Chok 8" балиқчилар кемаси "Ocean Marine" нефть танкери билан тўқнашиб кетган.

Ҳалокат Самуи оролидан 70 километр узоқликда рўй берган.

Танкер экипажи уч нафар балиқчини қутқариб олишга муваффақ бўлган, икки нафари чўкиб кетган.

Тўқнашув сабаблари ҳақида маълум қилинмаяпти, ҳукумат қўшимча текширувларни ўтказади, дейилади хабарда.