ФОТОРЕПОРТАЖ

Мактабгача ва мактаб таълими вазирлиги томонидан Сурхондарё вилоятидаги инвестиция дастури бўйича мукаммал ва жорий таъмирланган мактаблар учун 100 дона электрон интерактив доскалар ажратилди. 

Термиз шаҳридаги 16-умумтаълим мактабида ўтказилган тадбирда вилоят ҳокими У. Қосимов, Мактабгача ва мактаб таълими бошқармаси бошлиғи Х. Мамадиев иштирокида мазкур электрон доскалар мактаб директорларига тантанали равишда топширилди. 

[gallery-15116]

Тадбирда сўз олганлар сифатли таълим учун замонавий жиҳозлар зарур эканлиги ва янги электрон доскалар дарсларнинг янада мазмунли бўлишига хизмат қилишини таъкидлади.

Қайд этилганидек, шу кунга қадар мавжуд умумтаълим мактабларининг 305 таси электрон доскалар билан таъминланган эди. Энди улар сони 405 тага етди. Қолган мактаблар ҳам босқичма-босқич электрон доскалар билан таъминланиши кўзда тутилган.

<iframe width="650" height="420" src="https://www.youtube.com/embed/50hXX85nTWs" title="Surxondaryodagi 100 ta maktab elektron doska bilan taʼminlandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

ЎзА фотомухбири Жонибек ҚЎЗИМУРОДОВ олган суратлар