Фоторепортаж

Аввал хабар берганимиздек, Ўзбекистон футбол ассоциацияси томонидан ташкил этилган “Спорт журналистлари кубоги – 2022” мусобақасининг финал босқичи бўлиб ўтди. 
Тинмай ёғаётган ёмғир ҳам ЎФА қошидаги сунъий қопламали майдонда тўп сураётган журналистлар кайфияти ва шиддатига ўз таъсирини ўтказа олмади.
 Финал баҳслари якунига етгач, мусобақанинг ғолиб ва совриндорларини тақдирлаш маросими бўлиб ўтди. Унда ЎФА вице-президенти Равшан Эрматов ва ассоциация бош котиби Аваз Махсумов иштирок этди.  Мусобақа якунига кўра:
1-ўрин -“MTRK” жамоаси,
2-ўрин - “Ekus.uz” сайти,
3-ўрин -  “Sport TV” канали 
футболчиларига насиб этди.
Шунингдек, рақиб дарвозасига 13 та гол киритган Жаҳонгир Қаюмов (“MTRK”) “Энг яхши тўпурар”, шу жамоанинг яна бир вакили Носир Абдуллаев “Энг яхши дарвозабон” дея эътироф этилди. Журналист Муҳаммадёр Солиев (“Sport TV”) “Энг яхши футболчи” номинациясида ғолиб топилди.
 

[gallery-6130]
Муҳаммад АМИН  (сурат),ЎзА