Шаҳноза Абдуллаева “Tour of Bostonliq” пойғасининг илк босқичида ғалаба қозонди
Тошкент шаҳрида велошоссе бўйича “Tour of Bostonliq” мусобақаси бўлиб ўтмоқда. Мусобақанинг илк куни Ўзбекистон аёллар терма жамоаси учун муваффақиятли якунланди.
Мусобақа доирасида ўтказилган 86 километрлик биринчи босқичда “7 Saber Uzbekistan Women Cycling Team” жамоаси аъзоси Шаҳноза Абдуллаева финиш чизиғини 2 соат 28 дақиқа 39 сонияда биринчи бўлиб босиб ўтди. Мазкур йўналишда иккинчи ва учинчи ўринлар хитойлик Чжоу Цин ва Жан Хаога насиб этди.
Жавоҳир Тошхўжаев,
ЎзА
