“Saudi Aramco” Туркиянинг йирик энергетика компаниясига шерик бўлмоқчи
Саудия Арабистони давлат назоратидаги энергетика гиганти “Saudi Aramco” Туркиянинг “Güzel Enerji” компанияси билан шериклик ўрнатиш арафасида.
“Total Energies”, “M Oil”, “Valvoline” ва “Türk Petrol” брендларини бирлаштирган корхонанинг 30 фоиз акциясини “Aramco” ихтиёрига ўтказиш бўйича музокара якуний босқичга кирди.
Дунёдаги энг йирик нефть компанияларидан бири ҳисобланган “Saudi Aramco” анчадан бери Туркия бозорида шерик излаётган эди. Компания вакиллари давомли мулоқотдан сўнг “Орду” кўмак жамғармаси (OYAK)га тегишли “Güzel Enerji” компанияси маълум улушини олишга қарор қилди. Битим имзоланса, мамлакат Рақобат кенгаши рухсати билан тегишли ёнилғи қуйиш шохобчаларида бренд номи ўзгариши кутиляпти.
“OYAK Energy Companies” директорлар кенгаши раиси Ўғур Доган яқинда берган баёнотида ҳамкорлик ва тижорат масаласи муҳокама этилаётганини маълум қилди.
Н.Қаюмова, ЎзА
