Бу ҳақда Самарқанд вилояти ҳокимининг туризмни ривожлантиришга масъул ўринбосари Р.Қобилов ижтимоий тармоқлардаги саҳифаларида маълум қилди.

Маҳаллий тадбиркор томонидан йўлга қўйиладиган Rent car (машинани ижарага бериш) хизмати учун 10 та “Volkswagen” ва “Mersedes-Benz” электромобиллари харид қилинган. Уларда интернет мавжуд. Талабга кўра, чет тиллари бўйича таржимон ва гид хизмати кўрсатилиши мумкин. 

– Мазкур хизмат тажриба сифатида 10 июндан Самарқанд халқаро аэропортида иш бошлайди,  – дейди Р.Қобилов.  – Дастлабки босқичда 5 та “Volkswagen” ва 2 та “Mersedes-Benz” электромобиллар ижарага қўйилади.

Ғ.ҲАСАНОВ, ЎзА