Самарқандда сифатсиз профнастил маҳсулотларини ишлаб чиқарувчи корхона жаримага тортилди
Аниқланишича, ушбу корхона сифати кафолатланмаган, стандарт талабларига жавоб бермайдиган профнастил маҳсулотларини ишлаб чиқариб, реализация қилган.
ЎзТТСАнинг Назорат инспекцияси матбуот хизмати хабар беришича, назорат инспекциясининг Самарқанд вилояти инспекторлари томонидан Самарқанд туманида жойлашган «СПС» МЧЖ профнастил маҳсулотларини ишлаб чиқариш билан фаолият юритаётган корхонада назорат тадбири ўтказилган.
Натижада ушбу корхона сифати кафолатланмаган, стандарт талабларига жавоб бермайдиган профнастил маҳсулотларини ишлаб чиқариб, реализация қилгани аниқланган ва шунга кўра, корхонага нисбатан 109 млн сўмлик молиявий жарима қўлланилган.
Шунингдек, корхонага маҳсулот реализация қилишни тақиқлаш ва аниқланган қонунбузарликни бартараф қилиш бўйича кўрсатмалар берилган.
ЎзА