ФОТОРЕПОРТАЖ

Жорий йилнинг 14-20 апрель кунлари пойтахтимиздаги Халқаро шахмат академиясида “Sahibkiran Cup 2023” III Халқаро турнири бўлиб ўтди. Умумий соврин жамғармаси 20 минг АҚШ доллари бўлган нуфузли турнирда 13 та давлатдан 164 нафар шахматчи иштирок этди.

Бугун мусобақанинг ғолиб ва совриндорлари тантанали равишда тақдирланди. Биринчи қозоғистонлик Алишер Сулейменовга насиб этди. У 9 имкониятдан 7 очко билан якка пешқадам бўлди. Кейинги ўринларни Платон Галперин (Украина) ва Вугар Расулов (Озарбойжон) эгаллади. 

[gallery-11541]

Аёллар ўртасидаги беллашувларда Нилуфар Ёқуббоевага тенг келадигани топилмади.

Ғолиб ва совриндор бўлганлар орасида Умида Омонова, Муҳаммадзоҳид Суяров, Олмос Раҳматуллаев, Владимир Егин, Ҳумоюн Бекмуратов каби иқтидорли шахматчилар бор.

Ташкилотчилар томонидан таъсис этилган пул мукофотлари, сертификат ҳамда медаллар ғолиб ва совриндорларга тантанали суратда топширилди.

Муҳаммад АМИН (сурат), ЎзА