Эшик қоқиб турган янги – 2025 йил муносабати билан юртимизда фаолият юритаётган хорижий экспертлар, жумладан халқаро ташкилотлар раҳбарлари халқимизни қизғин қутлаяпти. Жумладан, Бирлашган Миллатлар Ташкилотининг Ўзбекистондаги доимий координатори Сабине Маҳл табрик йўллаб, шундай дейди:
– 2024 йил ажойиб таассуротлар йили бўлди. Жорий йил июнь ойида Ўзбекистонда ўз фаолиятимни бошлаганимдан хурсандман ва мамлакатнинг Барқарор ривожланиш мақсадларини амалга оширишда эришаётган ютуқлари менда катта таассурот қолдирди. Ўзбекистон ҳақиқатан ҳам ҳеч кимни эътибордан четда қолдирмаслик тамойилига содиқ.
БМТ Бош котиби июлда мамлакатга ташрифи давомида Ўзбекистоннинг Барқарор ривожланиш мақсадларига қатъий мувофиқлигини ва кўп томонлама ҳалқаро сиёсатга содиқлигини таъкидлади.
Йил давомида диёрингизнинг олти вилоятига ташриф буюрдим, бой тарихингиз ва бетакрор маданиятингиз билан танишдим. Ушбу йил мен янги дўстларни учратдим ва жуда кўп ажойиб инсонлар, истеъдодли ҳамкорларимиз билан мулоқат қилдим. Мен учрашган барча инсонлар катта иштиёқ ва умидлар билан янада гуллаб-яшнаган ва инклюзив Ўзбекистонни яратишга ишонади.
БМТ оиласига билдирган ишончингиз ва қўллаб-қувватлаганингиз учун ташаккур. Мен 2025 йилда давом этадиган ҳамкорлик ва бирга қўлга киритадиган муфаввақиятларни интиқлик билан кутаман. Янги йилингиз билан! Соғ-омон бўлинг!
<iframe width="650" height="420" src="https://www.youtube.com/embed/lHabdOtNJ9U" title="Sabine Mahl: "2024 yil ajoyib taassurotlar yili bo`ldi"" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Б.Худойбердиев, Ё.Мелибоев (видео), ЎзА