Рубио: Украина Европанинг энг кучли армиясига айланди
Украина Қуролли кучлари бугунги кунда Европадаги энг кучли армия ҳисобланади, дея таъкидлади АҚШ Давлат котиби Рубио “Fox News” телеканалига берган интервьюсида.
Унинг сўзларига кўра, ўлканинг ҳозирги даражаси кенг жанговар тажриба ва шерикларнинг тизимли ҳарбий ёрдами комбинацияси натижасидир. Рубио фикрича, Россиянинг сон жиҳатидан ва ресурс жиҳатидан устунлигига қарамай, Украина қитъада энг жанговар қуролли кучларни жамлашга муваффақ бўлган.
Шунингдек, Давлат котиби зиддиятнинг инсоний ва иқтисодий оқибатларини иккала томон учун ҳам “улкан” деб айтди. Шу билан бирга, у дипломатик жараён ҳозирда секинлашгани, чунки Киев ҳам, Москва ҳам ҳарбий муваффақиятга умид қилишда давом этаётганини билдирди. Рубионинг сўзларига кўра, Вашингтон ҳали ҳам томонлар келажакда музокараларга қайтишини кутмоқда.
С.Раҳимов, ЎзА
