Россия нима учун Telegram ни чекламоқда? (+видео)
Россиянинг Роскомнадзор идораси Telegram мессенжерини босқичма-босқич чекламоқда. Бунга сабаб сифатида платформанинг мамлакат қонунларини бузгани айтилади, деб хабар берди Euronews.
Сешанба куни Россия интернет назорати хизмати Telegram мессенжерининг ишини чеклаётганини эълон қилди. Сабаб сифатида қонун бузилиши кўрсатилмоқда. Ҳукумат хорижий технологик платформаларни Россия қоидаларига бўйсунмаса улар фаолиятини мажбурий секинлатиш ёки тўлиқ тақиқ билан бир неча бор огоҳлантирган.
Танқидчилар ва инсон ҳуқуқлари ташкилотлари бу чораларни Кремлнинг интернетдан фойдаланишни назорат қилиш ва кузатувни кенгайтиришга қаратилган очиқ ҳаракати, деб баҳолашмоқда.
Telegram мессенжери асосчиси Павел Дуров эса Роскомнадзор идорасининг бу ҳаракатини фойдаланувчиларни давлат назоратидаги Max иловасига ўтказишга ундовчи ҳаракат сифатида кўрмоқда. У нимагадир Max иловасини назорат ва сиёсий сўз эркинлигини чеклаш учун яратилган, деб ҳисоблайди.
Telegram Россияда кенг қўлланилмоқда, шу жумладан ҳукумат ва Кремль расмийлари ҳам унда янгиликлар эълон қиладилар. Роскомнадзор Telegram билан бир қаторда WhatsApp ва YouTube каби хорижий платформаларни ҳам назорат қилишга ҳаракат қилмоқда.
Дуров Россия ҳукумати билан узоқ муддат қарама-қаршиликда бўлган ва Max иловаси орқали фойдаланувчиларни давлат назоратига ўтказиш ҳаракатларига эътироз билдирган. Дуров таъкидлаганидек, бу усуллар, яъни чеклаш 8 йил аввал Эронда ҳам қўлланилган, аммо фойдаланувчилар назорат остида бўлсада Telegram дан фойдаланишни давом эттирган.
<iframe width="650" height="420" src="https://www.youtube.com/embed/DURGuNaQPI0" title="Rossiya nimauchun Telegram ni cheklamoqda?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Анвархўжа Аҳмедов, ЎзА
