Россия 100 граммдан оғир олтин қуйма экспортини тақиқлади
Россия Президенти Владимир Путин бир неча истисно билан мамлакатдан тилла қуйма олиб чиқиш тартибини ўзгартирувчи фармонни имзолади. Бу ҳақда ТАСС ёзган.
Расмий ҳуқуқий ахборот веб-сайтида эълон қилинган мазкур ҳужжатда, жумладан, шундай дейилган:
– 2026 йил 1 майдан бошлаб жисмоний ва юридик шахслар, якка тартибдаги тадбиркорлар томонидан Россия Федерациясидан 100 граммдан оғир тозаланган олтин қуймасини экспорт қилиш тақиқланади.
Истисно шундаки, бундай маҳсулотни Федерал синов палатаси рухсатномаси билан Внуково, Шереметьево, Домодедово ва Кневичи халқаро аэропортларидаги ҳаво чегараси ўтказиш манзиллари орқали Евросиё иқтисодий иттифоқи мамлакатларига олиб чиқиш мумкин.
Г.Сатторова, ЎзА
